Perkthyesit e Zotit dhe tarxhumanet e dynjase

Para disa ditesh, nje imam ne Maqedoni ju referua kercenimit te Trump se "kam me hap dyret e xhehenemit" ne Lindjen e Mesme, e vecanerisht Hamasit nese nuk liron pengjet. Sipas imamit ne fjale, Zoti ju pergjigj Trumpit duke djegur Los Angeles!!!

Keto lloj ligjerimesh jane bere kaq te lodhshme saqe nuk kemi me energji e vemendje tu pergjigjemi. Por nderkohe ligjerimi fetar monipolizohet nga keta "perkthyes te Zotit", njerez qe marin persiper te shpjegojne se pse Zoti ben cfare ben, se si funksionon 'shpagimi hyjnor' (عقاب الله).

Teologet duhet te angazhohen ne menyre kritike me imazhet qe keto ligjerime japin per Zotin, duke pretenduar se Zoti denon Trump-in duke djegur shpite e njerezve ne Kaliforni. Sipas kesaj logjike, pse nuk u dogj shpia e Trump-it? Ne kapitullin e Bekarese Zoti na kujton "te mos themi per Zotin ate qe nuk dime".

Po te tillet pretendojne ti shpjegojne bashkesise dinamikat e ngjarjeve ne skenen nderkombetare. Nje pjese e madhe e analisteve profesioniste te maredhenieve nderkombetare kane thene se ne fakt Trump ka ushtruar me shume presion mbi Netanjahun, sepse ne fakt palestinezet e kishin pranuar kete mareveshje qysh ne Maj.

I derguari special i Trump, Steve Witkoff, kerkoi te takohet me Netanjahun fundjaven e kaluar, ju tha nga keshilltaret e tij se nuk mund te behej se ishte sabat, nderkohe qe Witkoff tregohet se u pergjigj se 'nuk donte t'ja dinte per sabatin', dhe Netanjahu u detyrua ta takoje.

Kjo nuk do te thote se Trump eshte ndonje hero, por se bota nuk kuptohet me folklor fetar. Kjo sjell inflacion e varferim te ligjerimit teologjik, injekton imazhe te deformuar te Zotit, dhe pompon ne imagjinaten tone komunitare nje kuptim te reduktuar per boten.

Autor: Dr. Besnik SINANI